تجربتي مع ماوس ScyRox V6

الماوس عندي له شهرين تقريبا وجربته مع الـ MAYA X والـ INCA وعشان نختصر من بدري كلهم نفس بعض الفرق في الشيب والازرار والصوت والزلاجات حتى التطبيق نفس الشيء

تقريبا يشبه اغلب الماوسات المنتشرة ومقارنة مع الـ MAYA X هو اقصر واصغر والجوانب داخله اكثر ما حسيت فيه بصمة معينة يعني ستاندر كشكل واشوفه معتدل بشكل عام وتقريبا مناسب لكل انواع المسكات

اشوفه متوسط فاذا يدك ضخمة اعتقد ما راح يناسبك شخصيا ما عانيت معه (١٩سم / ١٠.٥سم) البدي الخارجي: كجودة خارجية ما حسيت بفرق بينه وبين ال LAMZU INCA واذا فيه فرق فهو غير ملحوظ ومدري اذا احساس لكن ال INCA احسه متماسك اكثر اذا ضغطت عليه كانه قطعة وحدة والصراحة توقعت الاحظ فرق كبير في البدي لكن طلع ممتاز جدا كجودة وكصبغة خارجية

كجودة خارجية ما حسيت بفرق بينه وبين ال LAMZU INCA واذا فيه فرق فهو غير ملحوظ ومدري اذا احساس لكن ال INCA احسه متماسك اكثر اذا ضغطت عليه كانه قطعة وحدة والصراحة توقعت الاحظ فرق كبير في البدي لكن طلع ممتاز جدا كجودة وكصبغة خارجية

هنا تبدا التضحيات وسبب السعر الرخيص الازرار فيه اقل جودة واصعب في التدبيل واثقل وصوتها عالي شويتين هل هي مشكلة؟ ما اشوفها مشكلة كبيرة وعلى سعره شيء متوقع تقريبا ويبقى مقبول وتقدر تعتمد عليه لكن اذا تهمك كثير راح تضطر تدفع كثير غالبا

العجلة

جيدة كدوران ولكن الضغطة ثقيلة ثقيلة مدري اذا انا تعودت على خفة ماوسات الـ LAMZU والـ Logitech Superlight او انه من جد ثقيلة يعني بالمختصر راح تعضل صبعك لو تستخدم الزر باستمرار

مكتوب بالمواصفات 40g ولكن على الميزان 44g وزن خفيف وممتاز

هنا التضحية رقم ٢ وهي ان الزلاجات اللي معه متواضعة مقارنة مع الـ LAMZU ورايي تاخذ له زلاجات خارجية بس ضروري تتاكد من ارتفاعها يكون اقل من 1mm لاني جربت ال x-raypad obsidian air وكانت مرتفعة لدرجة السينسر يفصل احيانا بسبب الارتفاع

تطبيق ممتاز وواضح يشبه تطبيق LAMZU واتوقع نفس المبرمج مسوي الاثنين

ماوس ممتاز جدا وانصح فيه على سعره وكل التضحيات بسيطة ومقبولة جدا على سعره خصوصا انه بنص سعر الماوسات اللي تقدم نفس السينسر والأداء والثبات ويكفي انك تبعد عن بعض الأنواع الخردة اللي بنفس فئته السعرية وبعضها أغلى على الفاضي

لو تبي تسأل عن هالماوس او اي ماوس آخر او كيبورد وغيره هذا مجتمع يجمع لك محنكين المجال

• مجتمع PeriphCore