تجربتي مع ماوس AJAZZ AJ179 APEX

كانت الخطة انزلكم تجربتي وعرض لماوس AJAZZ AJ179 APEX لكن كنلسنا العرض بسبب العيوب

الماوس ما ناسبني وخرب كيبوردي لكن بشارك التجربة للفائدة

أهم مشكلة فيه هي السكرول أو العجلة لكل اتجاه وزن قدام خفيف وبالخلف ثقيل رفع ضغطي

المفروض الماوس ما يحتاج تطبيق لتعديل الاعدادات وكل شيء يتم عن طريق المتصفح لكن بعد دخول صفحة الاعدادات يطلب منك تنزل أداة اضافية وللأسف هالأداة خربت كيبوردي ال AJAZZ AK870 Max حرفيا مات + الأداة تبقى شغالة بالخلفية وتستهلك موارد الجهاز يعني خسرنا فائدة عدم وجود تطبيق

بالمواصفات مكتوب 58g لكن طلع 62g واشوفه ثقيل نوعا ما وتوزيع الوزن في الماوس غريب مدري اذا أنا أتوهم لكن حسيت مركز الوزن راجع للخلف وأتوقع بسبب قطعة الشحن المغناطيسية

الأزرار

صوتها متوسط اما ضغطتها أثقل من ماوس الـ LAMZU والـ Superlight

المسكة

بالاستخدام الطبيعي مريح جدا لكن مزعج شوي إذا استخدامك CLAW لأنه مرتفع جهة اليسار ف راح تحس أنك ماسك الماوس من جهة وحدة بس

فيها شاشة تقدر تعرض فيها مستوى البطارية وباقي المعلومات وتقدر تحط Gif لكن اهم ميزة انها تشحن الماوس لك بدون أسلاك + شكلها جميل وتقدر تقفل الـ RGB

سعره ممتاز مقابل المواصفات لكن العيوب فيه كارثية بالنسبة لي ومتأكد فيه خيارات أفضل حتى لو كانت أقل مواصفات او بدون شاشة.

بالنهاية اذا عندك منتج من AJAZZ وخصوصا كيبورد ما انصح تاخذ الماوس نهائيا

ما جربت أنواع بنفس الفئة السعرية فإذا فيه بدائل أفضل ياليت تذكرونها للفائدة كبديل له

بخصوص البطارية ما وجهة المشكلة اللي ذكرتها طبيعي معي

بشكل عام الماوس ممتاز على سعره فقط عيب العجلة هو اللي لازم تتعايش معه اما الأداة تقدر تحذفها عادي بعد ما تخلص تعديل عليه