تجربتي مع حامل الشاشة NB North F5-XE

وصلني من Majesty للتجربة الله يعطيهم العافية

الآرم له فترة عندي وأول شيء لاحظته إنه متين جدًا + التركيب سهل على عكس النسخ السابقة كانت متعبة وتجي مفككة وانت بنفسك تجمعها

يقدر يشيل وزن عالي الى ٢٠ كيلو وتقدر ترخي وتزيد قوة الرفع حسب وزن شاشتك واول مرة اشوف حامل يشيل هذا الوزن رقم ضخم ويقدر يشيل اي شاشة ويسمح لك تتحكم فيها بسهولة كانها ريشة خصوصا شاشات الالترا وايد الضخمة

مكتوب من 32 الى 60 لكن عن تجربة يقدر يشيل اي شاشة تحمل تصنيف VESA Mount وجربت مقاس ٢٤ شاشة AOC و ٢٧ شاشة شاومي MINI-LED وكلها امورها تمام

صورة للقاعدة على حجم 24 و 27

الشكل جميل وانيق في السيت اب وحجم الحامل صغير مقارنة بالوزن اللي يتحمله الإضاءة خفيفة وتقدر تطفيها او تغير الالوان حسب اللي يناسبك

ما ياخذ منك ٥ دقايق فقط تشد مسامير القاعدة بالاسفل وتركب القاعدة على الشاشة وتثبت الشاشة في الآرم وهذا الشيء مريح جدا بيفهم اللي جرب يركب شاشة على الانواع القديمة اللي تخليك تشد مسامير الشاشة وانت شايلها بيدك لان ما لها قاعدة تنفصل

الحامل يقبل التركيب بوضعين مختلفة واحد على طرف الطاولة بالوضع الاعتيادي والاخر في وسط الطاولة بمسمار وهذا الوضع الاهم بالنسبة لي وهو سبب اختياري للحامل القديم من NB North

الإيجابيات

• القاعدة اللي تتثبت عليها الشاشة منفصلة عن الحامل وهذا يسهل التركيب والفك كثييير
• مكان لاخفاء اسلاك الشاشة
• يتحمل اوزان عالية جدا
• سهولة التركيب
• يقبل وضع التركيب في وسط الطاولة

الملاحظات

شيء واحد وهو السعر لكن متفهم لان الوزن والمتانة عالية واعتمادي جدا ومتأكد انه يقدر يشيل شاشات كبيرة بينما اغلب المنتجات بالسوق وحتى النسخة السابقة بالكثير تشيل ٩ كيلو بعدها يبدا الذراع ينزل بسبب الوزن

شركة NB North من زمان انصح فيها لي تجربة ممتازة معهم ومستمرة الى اليوم مع حامل اخذته في ٢٠٢٢ قبل تاخذ ماجيستي الوكالة ويصير عليه ضمان محلي ايضا تقدر تتصفح باقي الخيارات من NB North باشكال وفئات مختلفة واسعار ارخص للانواع الاقل خصوصا لو كانت شاشتك خفيفة وما يهمك الشكل اشوفها تستاهل كشركة بشكل عام