تجربتي مع GameSir G7 Pro

اتعب وانا امدح جودة تصنيع شركة GameSir مدري كيف جامعين بين السعر والجودة اما ان سوني واكسبوكس يسرقوننا او انه GameSir جالسة تخسر زيد على هذا لها تطبيق + اكسسوارات + بكج مرتب ومعها اشتراك GamePass

تقدر تحول زر ال RT وال LT اللي هي R2 و L2 الى كليكات نفس الماوس ونفس الصوت حتى باقي الازرار تحسها ماوس وكيبورد محطوطه بخلاط وطالعه لنا هالتحفة

فيها اربع ازرار اضافية ٢ منها موجودة بين ال LB وال RB صغيرة وعملية لو بتخصصها وتتعود عليها وهذي جديدة اول مره اجربها وفيها زرين بالخلف نفس الموجودة في ال Cyclone 2 لكنها داخله اكثر في جسم الكنترولر وما فيها زوايا حاده فما تحس فيها أثناء الاستخدام يعني ما تزعج يدك ومسكتك

شكلها متناسق مع اليد وفيها منفذ Type-C بالخلف + الدنقل او الرسيفر تقدر تركبه تحت حاطين له مكان صغير يتقفل يعني يصير سلك واحد يشغل لك القاعدة والريسيفر ويشحن اليد ويكون قريب من اليد عشان الاشارة + فيه اضاءة تشتغل اذا ركبت اليد وتقدر تخصصها في التطبيق

التطبيق مميز تقدر من خلاله تتحكم بكل شيء يخص اليد الاضاءة والتريقر والديد زون وكل شيء يخطر في بالك

طيب هي ولا ال Cyclone 2 انا اشوف ال G7 Pro نسخة مطورة بجودة افضل بتفاصيل اجمل وكلهم ممتازين للامانة

كلها ممتازة لكن أفضل الـ G7 pro بطاريتها اكبر والقاعدة شكلها اجمل وتخصيصها اكثر وفيها ازرار اكثر وملمس اليد افضل خصوصا ازرار LB و RB كانت ملساء في ال C2 الحين فيها نقط تساعد في تثبيت اصابعك والازرار بالخلف صارت داخله اكثر وهذا افضل من رايي + تقدر تقفلها عشان ما تضغطها بالغلط

تقريبا زي ما قلت ال G7 pro نسخة محسنة من الـ C2 بس هل يسوى اذا عندك C2 تاخذ ال G7 Pro؟ يعتمد عليك اذا استخدامك مكثف وتحس راح تستفيد من الزرين الاضافية راح تفيدك وانصحك فيها وبتلاحظ فرق يستاهل ان شاءالله

لكن فيه اشياء بتروح منك وهي الـ turbo والـ Macro مهي موجودة في ال G7 Pro وشخصيا ما تهمني

تنفع لل PC والـ XBOX ويجي معها GamePass شهر بحطه لكم تحت البوست مع صور التطبيق ومراجعة ايثون

ما تشتغل على ال PS5

مني متخصص في مراجعة الكنترولرات لكن فيه مراجعة للاخ ايثون فصل فيها أكثر ورايي تطلع عليها لو متردد مع اني مدري كيف الواحد يتردد مع هالسعر بس ما يمنع تاخذ لك نظره عليها وتشوف كم مراجعة

مراجعة ايثون الله يعطيه العافية وصور التطبيق

• مراجعة إيثون لـ GameSir G7 Pro