تجربتي مع ساوند بار Edifier G1500

الصوت فيه ممتاز وعالي ما تجاوزت ٨٥% الا للتجربة فقط وجودة الصوت جميلة وافضل من سماعات المونتر بالراحة

افضل ميزة بضغطة زر تحول من البي سي للجوال واشغل الصوت من الجوال ( البلوتوث فيه تاخير للجوال شيء بسيط جدا لو تفكر تستخدمه للالعاب ما اشوفه مناسب )

اكون صريح ما توقعت بيكون له تطبيق التطبيق بسيط كتصميم لكن فيه مميزات وتحكم اكبر وهذا يعطيه قيمة اضافية تقدر تتحكم بالصوت وتخصص الـ Equalizer لان المودات الجاهزة مثل وضع القيمنق الـ Bass عالي شوي تقدر تعدل هالشيء من التطبيق + تتحكم في اضاءة الشريط على البار نفسه بس عدد الالوان محدود ٥ فقط

ما اعتقد فيه احد مهتم بالمايك لكن كان ضعيف ومشكلته زر الميوت على نفس المايك يعني اذا بتحط ميوت راح تصنج اذن اللي معك قبلها بثانية ( تقدر تفصله لو ما تبيه ويارب انك ما تبيه )

شكله جميل بالسيت اب بحط صور له بالاسفل

ممكن فيه خيارات ثانية مميزة لكن هذي تجربتي الاولى لساوند بار وما كانت سيئة اشوفه جيد قيمة مقابل اداء يستاهل لكن لازم انبه انه ما يشتغل على الـ PS5 من تجربتي ولو فيه شيء ينقصه فهو منفذ ال 3.5 in عشان يرتبط دايركت بالشاشة

• مراجعة الساوند بار المشار إليها في المنشور