مراجعة شاشة DEVO DFI27280

اشوفه رقم ممتاز جدًا جدًا جدًا قدرت اجربه على كم لعبه النعومة ممتازة توقعت اشوف تيرنق ومشاكل في الاوفر درايف لكن الوضع سلس وممتاز طبعا الـ OD مقفل.

ممتازة بعد المعايرة بالعين والمقارنة مع شاشتي الرئيسية Aorus FI27Q-P قدرت اوصل للالوان المرضيه لي واقدر اقول انها شاشة ips ممتازة وتستاهل مع اني توقعت اقل من كذا وللاسف فيه كم سلبيه راح اذكرها لاحقًا.

صح إضافة بسيطة الشاشة تدعم 10bit لكن على تردد 240hz فقط (تحسب لهم).

الـ G-sync ما يشتغل واذا شغلته تتقفل الشاشة وما تستجيب لين ترجع تقفله من الكنترول بانل.

الجي سينك ( G-sync ) لا يعمل (ممكن اني ما عرفت لها).

الـ HDR معروف انه كلام فاضي خصوصا على المونترز بسبب عدد الشمعات القليل مره ٣٠٠ شمعه اذا تجاوزت ١٠٠٠ نتفاهم ان شاءالله.

ميزة التصويب نقطة الايم للاسف مشوهه بتكلم عنها بالسلبيات.

ميزة نقطة التصويب او مساعد التصويب كبيرة تخرب عليك التجربة بسبب الحجم المفروض عندك القدرة انك تخصصها بالشكل الي يناسبك او يوفرون خيارات اكثر تناسب الكل.

شكل الشاشة بشكل عام مقبول من الخلف فيه خطين RGB تحس انك شايفه قبل تقريبا خليط بين شاشات الـ Tuf من اسوس و شاشة قيقابايت وفيه كلمة DEVO اسفل الشاشة على شكل ضوء على الطاولة للي يهمه الموضوع لكن اهم شيء تقدر تقفلها الحمدلله.

اطراف الشاشة صغيرة لكن الصور في الموقع تحسسك انه ما فيه اطراف لكن للاسف فيه اطراف لكن صغيرة ١سم تقريبًا لثلاث جهات اما الجهة السفليه ٢.٥سم.

الاستاند او القاعدة حقت تثبيت الشاشة ممتازة تأدي الغرض.

• مشاكل النظام وصعوبة التحكم بالشاشة عدم وجود حلول كتطبيق للتحكم على نظام ويندوز.
• اعدادات الشاشة معكوسة تحط تشغيل يتقفل والعكس.
• أزرار التحكم بالشاشة معقدة وقديمة نوعًا ما.
• ألوان المصنع غير مقبوله وكان الله بعون الشخص البسيط الي ما يعرف يضبط الالوان.

ظهر لي خط بكسلات بعد مرور يوم من التشغيل توقعت البكسلات ماتت لكن اتضح لي انها كانت ما تستجيب مع باقي البكسلات بعد ما لعبت شوي في الاعدادات وقفلت بعض المميزات وعلى راسها الـ OD و OC تحسن الوضع تدريجيًا وصارت تستجيب لكن بضوء خافت غير ملحوظ الا اذا بغيت تركز وتطلع مكانه؛ طيب وش السبب اتوقع اما انه مشكلة في السوفت وير بسبب الكسر وغيره او مشكلة حرارة لاني تركت الاستكر على الشاشة فممكن هو الي تسبب بالموضوع والله اعلم.

التحديث الأول، 27 أبريل 2021

واجهت مشكلة في الشاشة وهي موت خط كامل من البكسلات ومبدئيًا اعتقد انه بسبب كسر السرعة

المشكلة الثانية اعدادات المصنع أسوء اعدادات ممكن تشوفها تحس قاصدين يرسلون لك الوان مشوهه لكن حلها بسيط ايضًا واجهة المستخدم والسوفت وير حقها عبارة عن مسخره بالمعنى الحرفي

الاعدادت معكوسة باللغة العربية تختار تشغيل يتقفل الشيء

ايضًا ازرار التحكم في الشاشة معقدة ويبيلك تتعود كان افضل لو استخدموا نظام الزر الواحد نفس كثير من الشاشة عملي اكثر ويوفر مساحة

هذي المشاكل الي طلعت معي إلى الان وراح انزل الإيجابيات بس بعد ما احل مشكلة البكسلات مع الدعم.

التحديث الثاني، 28 أبريل 2021

تواصلت مع الدعم الفني الي ما له فائدة طلب مني ٤ مقاطع فيديو للمشكلة و ٤ صور لكن المحصله بعد ما تعبثت شوي بالألوان وكسر السرعة وقفلت الاوفر درايف رجع تحسن الوضع ورجعت اشتغلت البكسلات لكن بضوء خافت مو ملحوظ مره لكن موجود وهذي صورة توضح الشكل.

بستمر بالتواصل معهم.

اكيد شاشة ممتازة للاعبي الاي سبورت بسعر ممتاز جدًا

هل انا مستعد استخدمها بدال الـ 2k؟

لا الـ 2k قدم لي تجربة رهيبة واذا بغير بغير للـ 4k مستقبلًا

تخيل معي شاشة من شركة مشهوره تبدا بحرف الدال متورط في اختباراتها لي يومين ومذكور انها IPS بالنهاية تطلع VA!!!!!!

تخيل معي الكرتون مكتوب فيه IPS والتسويق لها كله على انها IPS 1080p 280Hz

مساحة الالوان فيها: DCI-P3 72% التباين 3200:1 مستحيل شاشة IPS

زمن الـ GTG فيها 20ms مع تفعيل الـ Overdrive عند الاقفال يصير 11ms مع معدل خطأ 4%

الارقام هذي ارقام شاشة VA وكل شيء يقول انها VA ايضا الاعدادات مقلوبه كيف اطفي الـ OD ويعطي زمن استجابة افضل كل شيء معطوب

المصيبة اني حاولت اجرب كل شيء لدرجة اني جربت كل مود فيها حتى HDR بس عشان اطلع بنتائج تبين انها IPS لو شوي بس

تاكدت انها VA يوم لمست البانل وطلع تموجات بالشاشة هنا تاكدت بس باقي افك الشاشة عشان اشوف موديل البانل واغسل الشركة غسل

راح انزل كل المعولمات عنها بعد ما افكها واشوف موديل البانل لو طلع VA بسوي لهم منشن واشرشحهم هنا

شاريها منهم دايركت لكن ممكن يكونون هم مغشوشين من المصنع الله اعلم جالس اشوف الوضع معهم حاليا وبنزل تحديث للموضوع اول ما يجيني رد ان شاءالله

اولا ما تهمني قريشاتهم وما اتمنى الخسارة لاحد سوا كان فرد او شركة الا لو كان الموضوع متعمد وهذا الى الان ما تاكدت منه لانهم هم متفاجئين معي وفاتحين تحقيق مع المصنع

الشركة وعدتني انها راح تعوض كل المتضررين لو كان صحيح البانل مختلف وهذا اهم شيء عندي

أللي محيرني اكثر ان احد المتابعين عنده شاشة 2k 165Hz من نفس البراند ارسلي ورقة المواصفات واشوف مكتوب فيها التباين 3000:1 وطبعا هالرقم مستحيل على شاشة IPS افضل الانواع ما تتجاوز 1700:1

بالبداية توقعت الغلط مني او البرنامج او جهاز القياس وتجاهلت موضوع التباين تماما وفكيت جهاز قياس السطوع والالوان وركبت جهاز قياس التاخير لكن نتائج الاختبار تعطي ارقام عالية وشكل جدول التاخير يعطي انها VA مهما اعدت الاختبار ومهما غيرت في الاعدادات

وعشان اتاكد اكثر غيرت مستوى التسامح أللي معتمده عندي في اختباراتي (RGB 3) وحطيت نفس مستوى قناة Monitor unboxed وهو ( Light Level 3% ) عشان اقارن مع شاشات الـ VA الي استعرضها عنده

في مستوى تسامح 3%: النتائج تدل بشكل كبير انها شاشة VA نفس طريقة تعامل شاشات الـ VA في الانتقال من الارقام العالية الى صفر شوف المربع الاحمر المحدد كل شاشات الـ VA تتشارك بارقام استجابة قليلة اذا بدت من سطوع عالي الـ 0

تقارير المقارنة من Monitors Unboxed

الاختبارات تتم عن طريق أجهزة حديثة ودقيقة وفي ثلاث برامج احترافية مختلفة وكلها تعطيني نفس النتائج في كل الجهازين واحد لقياس الضوء والالوان والاخر لقياس الاستجابة بالضوء عن طريق ٦ حساسات يؤخذ المتوسط بينها ويتم الاختبار ٥ مرات يؤخذ المتوسط بينها ايضا

ثانيا البرامج كلها مخصصه لمعايرة الشاشات ومعتمدة عالميا مستحيل تهدم سمعتها

ألف شكر للأخ علاء، مدير ومؤسس متجر @CazaSouq على التجاوب معي شخصيًا ومتابعة الحالة أول بأول بكل اهتمام وحرص طوال الفترة اللي فاتت، جزاه الله خير

جميع المتضررين اللي تواصلوا معي بالخاص، راح ينزل لكم فيديو توضيحي لمعرفة إذا كانت شاشتكم متضررة أو لا، وإذا كانت متضررة فالتعويض كالتالي

معكم 4 شهور للمطالبة، احرص إنك تستعجل

المدة أعلاه وردت في إعلان 9 مارس 2025، وليست مهلة حالية جديدة.

• فيديو فحص الشاشة الذي أرفقه الكاتب