تجارب شاشة LG 27GX700A-B ومقارنتها

الطبقة اللامعة

القلوسي يعتم انعاكس الضوء بشكل جميل بسبب طبقة الـ TrueBlack لكن ينشر انعكاس بنفسجي خفيف جدا على باقي المناطق ( واضح في الصورة ٣ ) ايضا الانعكاس المركز يكون واضح على المشهد في القلوسي

الطبقة المطفية

المطفي يشتت تركيز الاضاءة على مركز الانعكاس وهذا يقلل تشتت العين لكن بالمقابل ينشره حول المنطقة القريبة وهذا يأثر على السواد حول المشهد

من خلال التجربة بالعين اشوف كل شاشة لها سلبياتها لكن اميل للقلوسي اكثر مع الاضاءة المركزة لانه يحافظ على السواد حول مركز الاضاءة بتباين كويس عكس المطفي اللي يتأثر السواد فيها بشكل اكبر وايضا اشوف المطفي اريح للعين وما يشتتك الانعكاس لو كنت مجبر تتعايش مع الاضاءة المركزة والخيار راجع لك بالنهاية كتفضيل

الطبقة اللامعة

القلوسي راح يعكس الخلفية حتى مع طبقة الـ TrueBlack يعني ما زلت اشوف ان القلوسي يحتاج انه يبقى في بيئة تقدر تتحكم فيها بالاضاءة وتتاكد انها تكون خفيفه عشان تحصل افضل تجربة

الطبقة المطفية

المطفي هنا نقطة قوة المطفي لانه راح يشتت الانعكاسات ويقلل من تأثيرها على الخلفية وعلى السواد ويعطيك تجربة افضل

اذا كانت الغرفة فيها اضاءة متوسطه او عالية + غير مركزه على الشاشة بشكل مباشر هنا المطفي راح يخفي الانعكاسات ويشتت الخلفية بشكل افضل ويقدم سواد ممتاز ومعتم اما القلوسي راح تبان معك خلفية غرفتك ويقل سواد الاسود ويتحول لبنفسجي على رمادي لكن بدرجة اخف من ال QD-OLED بكثير

زبدة الكلام كلها ممتازة الصراحة واعتقد الكل عنده تحكم بالاضاءة فيقدر يعالج مشكلة كل نوع مهما كان اختياره وتفضلية لكن شخصيا اميل للمطفي اكثر حسب استخدامي لاني افتح الشباك وما زال المطفي يتعامل بشكل افضل مع هالموضوع ويخفي الانعكاسات

فرق تشبع الالوان بين الشاشتين: LG 27GX700A-B ( يسار )، Asus XG27AQDMGR ( يمين )

الـ Asus اقل تشبع وتدرج الالوان فيها اقل فيطلع اللون افتح شوي وايضا مايله للازرق من المصنع

ممكن يجيك احساس ان الاسوس اعلى سطوع لكن بالواقع LG اعلى منها بحط صور بالاسفل لفرق السطوع

مقارنة HDR

مقارنة SDR

لا عادي اقدر اعدل حرارة اللون الابيض من الاعدادات بس كنت بجرب الاثنين من المصنع بدون تعديل

الـ LG 27GX700A-B وال XG27AQWMG كلهم Gen 4 ونفس الاداء. الي بالصورة فوق يمين هي نسخة الـ XG27AQDMGR تختلف عنهم تجي بجيل اقدم

الـ LG اعلى سطوع لكن في محتوى HDR حسيت فيه تعتيم مبالغ فيه وهالشيء يخلي بعض الظلال والمناطق الغامقة تقلب اسود

الحل اللي سويته اني رفعت الـ Black Stabilizer في وضع HDR الى 65

اما في محتوى SDR حسيت العكس فنزلت الـ Black Stabilizer الى 40

تقدر تجرب هالاعدادات بنفسك وتشوف اذا تناسبك ايضا خيار الـ Peak Brightness على High

ايضا بخصوص الطبقة المطفية جودتها عالية ابدا ما تشبه اللي في شاشات الـ LCD لكن النصوص في القلوسي راح تكون افضل خصوصا مع الجيل الاحدث زي الـ XG27AQWMG وال MO27Q28GR لانها بتوزيع بكسلات افضل مع طبقة قلوسي وهذا راح يعطيك نصوص افضل من الطبقة المطفيه وما اتوقع فارق كبير لان ال LG كمقارنة مع ال QD-OLED اللي المفروض تكون افضل بالنصوص ما حسيت فيه فرق كبير بينهم عند بعض

احد الكوارث اللي حصلتها بعد تجربة شاشة الـ Asus XG27AQDMGR انها طلعت تستخدم بانل الـ Gen 2 مع انه مذكور في صفحة Asus الرسمية انها تستخدم توزيع RGWB اللي هو الأخير لكن للاسف بعد ما وصلتني اكتشفت انها بتوزيع RWBG اللي هو Gen 2 نفس الـ XG27AQDMG

ايضا كاتبين فوق بالخط العريض انها الجيل الثالث اللي هو الـ RGWB لكن مع عدسات الـ MLA نفس بانل شاشة الـ PG27AQDP وهالبانل قدم سطوع افضل مقارنة مع الـ Gen 2 وما اتذكر نزل منه نسخة 240Hz عشان كذا اول ما نزلت الشاشة توقعت انها فقط تحديث على الطبقة وهذا المتوقع لكن اكثر من شخص جاني وقالي كاتبين Gen 3 واستغربت وقتها

صفحة الـ PG27AQDP مع الـ XG27AQDMGR

تصدق ممكن مسمينها Gen 3 وانا ملخبط بالمسميات لكن مو مهم الاسم حتى لو كانت Gen 3 فهو مجرد اسم للجيل الاساس انه في صفحة نسخة الـ R كاتبين انها بتزيع الجيل الاحدث اللي لو قلنا بنعطيه اسم عشان نفرق بينهم ممكن يكون Gen 3.5 اللي معه تغير البانل وصار يستخدم عدسات الـ MLA مع Subpixel مختلف لتحسين النصوص وسطوع اعلى

بنسبة لك كشخص معك الـ XG27AQDMG الموضوع ما له علاقة فيك لان مواصفات شاشتك حقيقية لكن الكلام ان الجيل المحدث منها باسم XG27AQDMGR انذكر انه بترتيب بكسلات RGWB والمفروض يكون Gen 3.5 مثلا او Gen 3 محسن بس ابدا مهو Gen 3 اللي في الـ DMG العادية بس للاسف طلع نفسها بس مع طبقة TrueBlack

بالصورة تحت اللي بالنص DMG يمين البانل المحدث

موقع Rtings ما اختبر نسخة الـ R اما الجيل اللي قبله كاتبين انها بتزيع RWBG

بس الشاشة ما فيها شيء نفس الـ XG27AQDMG بس مع طبقة TrueBlack و حساس فتبقى شاشة رهيبه اصلا

ما جربت نسختين WOLED gen 4 مع بعض لكن جربت LG 27GX700A-B مع الـ QD-OLED Glossy حقت Majesty

نعم على مستوى البكسل لما تسوي زوم بالكاميرة بتشوف البكسل انظف على الـ GLOSSY اما المطفي بتشوف زي الطبقة فوقه شوف الصورة تحت لكن مجرد تبعد عن الشاشة يصيرون نفس بعض كصورة وما تشوف اي فرق

رايي تأثير الطبقة يكون على الانعكاسات وتعامل البانل مع الإضاءة حولك اما الصورة ما شفت اي فرق تابعت فلم والشاشتين تعرض نفس الفلم ما شفت اي فرق من ناحية جودة ومتاكد لو حطيت شاشتين في غرفة مظلمة وسألت اي شخص أيهم المطفي والقلوسي ما راح يعرف

رايي الفرق الاساسي اللي تفكر فيه هو الانعكاسات اما الجودة ما لها تاثير على الصورة حسب تجربتي

النصوص اكثر حدة على القلوسي لو بتقرب وتركز لكن ما يعني ان المطفي مشوه او سيء

واساسا مو من العدل اقارن طبقتين على نوعين بانل مختلفة وما يعتبر مرجع يعتمد عليه لكن هذا الفرق بين ال WOLED مطفي وال QD-OLED Glossy لو مهتم تشوف الفرق بين هالنوعين

يمين QD-OLED بوضع 1000nits يسار LG WOLED

الـ WOLED افضل في الـ HDR كسطوع وملحوظ حتى بدون لا تحط الشاشتين عند بعض

مدري عن اي WOLED تتكلم لكن حتى الجيل الثالث كان افضل من الـ QD-OLED في الـ HDR

بالصورة فوق ال LG التاندوم نفس اللي بالعرض والمفروض الالوان كلها نفس بعض الجيل الرابع يوصل 84% من مساحة Rec2020 واللي يتجاوز الـ QD-OLED بشيء بسيط وحتى بال Color Volume الفرق ٢ لصالح الـ QD-OLED لان ما فيها بكسل ابيض بس مهو فرق كبير زي ما توصف بانه فرق السماء عن الارض

مهو دفاع عن الـ WOLED لكن انا مجرب اكثر من نوع QD-OLED وجربت الـ WOLED الفرق بال HDR لصالح الـ WOLED وحتى الالوان الفرق مهو ملحوظ ممكن البشرة تكون مايله للاحمر في الـ QD-OLED اما في ال Woled طبيعية اكثر لكن مهو عيب هذا الصح

اتوقع مشكلتك كانت ما طبقة البانل اكثر من الوان وسطوع وهذا تفضيل شخصي لك او ان الشاشة اللي وصلتك فيها مشكلة او اختبارك كان غلط لل HDR

حتى Rtings عندهم المشكلة ومعطينها 8.8 من 10

• تقرير RTINGS الذي أشار إليه الكاتب

شغل محتوى HDR لمدة ٤ ساعات او اكثر بعدها سو تنظيف بكسلات ويخف وممكن يختفي بعد

واذا مو ملحوظ لا توسوس وتركز فيه

وترا يختفي مع الوقت وتكرار التنظف

كرره اكثر من مره

باقي ما سويت لها معايرة لكن اول شيء سويته اني حدثتها من تطبيقهم LG Switch

حمل التطبيق وركب سلك ال USB-B اللي جاي مع الشاشة في البي سي ويطلع لك التحديث في التطبيق

• صفحة دعم LG 27GX700A-B